hem avdije hijam pana ko kontakt, ama avdije

MOKLO ĐIVDIPE, ROMANO ĐIVDIPE

"Devla, sose mukhljan man ki Romani mahala?

Thovdo pođinava, melalo resava ki škola. Čik đi ko kočija, lađavo baro! O rakhlje ki škola ka maren maje muj."

Akala lafia nakhena mandar hine kotar godi svako dive, đi na resljum ki gimnazia.

maškaro 500 gađe. Ama, nikeda nisavo problemi na ikljislo maškaro

SVAKO DIVE DISO NEVO SIKLJOVAJA

Bariljum ki Srbia, ki diz Kostolac, ki Romani mahala - Benzinska. Meklje amala hine o Ramizi, o Kičo, o Senadi,

o Ademi, o Ece, o Emini, o Zule, o Seljo, o Kalje, o Esmiri..., ama hem o Neša, o Jeger, o Dača, o Milan, o Kuželjko, o Vule, o Đuka, o Mateja, o Đole, o Boško... nikeda, ama baš nikeda na čerđum disavi linia maškaro "akala hem okola". Solduj strane respektirinđum hem solduj strane respektirinđe man. Čak hine hem situacie kuri čedinđum hem akija strana hem okija strana ko jekh than. Odova hine treningia, rođendania, privatna žurke, bijava, diskoteke... Ičerava ki godi, e rakhljen hem e rakhljan hine sar anava oljen ko Romano bijav. Ičerava ki godi, sar hine amen 5-6 Romane amala hijam ki diskoteka

Palo disave berša, alo o vakti sa so čerđum đi tegani, sa te ačhavav. Daj, dad, phral, phen, amala, buti, aktivitetia, i diz, i mahala, o tatipe... O mangipe anđa man ki nevi hem šudri phuv - ki Švedska. Osetisaljum sar jekh tikni beba! Odoljese phenava so ka

"amende hem oljende". Miklji soba uvek hine pherdi amaljencar, a moklo cilji ando vakti hine te buvljačeri pe o đandipe. Svako dive, sarine amen sikljovaja diso nevo. Ka sikljova, sa đi hijam đivde! Ađahare, e gađenđe fordinđum e Romengiri socialno kompetencia, a e Romenđe servirinđum e gađengoro svakodivesero đandipe. Ki diz, ki mahala, ki škola, ko basket, ko bijav, ki diskoteka, ko šukaripe, ko lošnipe, ko zevko, ko nabormipe, ki Romani čhib, ki gađikani čhib... sarine amen hijam hine jekh! Šučur kotar gudlo Devel, skoro sarine

sikljova neve buča sa đi hijam đivde!

družinaja amen prekalji socialno media. Pana sar čhavoro ki škola mothovđum baro potenciali. O sikavne ki osnovno škola hem ki gimnazia ljelje ljahmia upro mande. Meklje Romane amala fordena hine čalumi mancar so šaj hine te reprezentirinav oljen ko jekh šukar nivo. O gađikane amala hine but bahtale so hine oljen man sar amal hem so šaj hine te osetinen hem moklo multikulturno karakteri hem moklo baro vilo.

Sa kotar početka morandiljum te sikljovav. I čhib, i diz, e Šveđanengoro karakteri, o socialna kodia... apsolutno sa hine nevo. Ama, vazdinđum meklje baja hem počminđum. Počminđum te đav ki škola, pohari te sikljovav i čhib, te penđarav i diz, i familia te barjačerav, neve amala khuđe ko moklo đivdipe... sa alo ko poklo than. O manuš ked mangela, sa šaj! Ičerava ki godi, ked počmijum hine te sikljovav i čhib, ki škola vačerđe maje so šaj te lav Švedsko-Romani lafonengiri knjiga te sikljovav pobuter Švedska lafia. Ked ljeljum i knjiga... ačhiljum ko šok. Bar-kaš uljum! Ni te rovav, ni te asav! Kotar 28 500 lafia, me ki odija knjiga šaj hine te haljovav samo 500. Pobuter Švedska lafia haljiljum kotar Romane. Ka phene, henez valjani te sikljovav Romane.

O haos ki Romani čhib ekzistirini čirla, beršencar palal. Ama, maje o čiro ko vođi počmija te barjol kotar odova momenti, ked doljinđum odija knjiga ko vasta. Tegani počmini miklji čhibjakiri avantura. Ljeljum pohor te khuvav ki tema so čerđa pe e Romane čhibjače o palune berša. Haljiljum akava... pečati ki Romani čhib čhivena o manuša so na hana maro e Romencar! Odola manuša vičinena pes lingvistia, mediatoria, etnologia, romologia, ekspertia... O najbaro problemi tano so nijekh oljendar na mangela te huljel ki Romani mahala hem te pijel jekh kafa e obično Romane narodoja. Samo tegani šaj te haljol pe soj odova so vičini pe Romani čhib. Našti amen te phanda amen ki soba hem te standardizirina i Romani čhib. Našti amen samo te đa ko čhibjakere konferencia, barabar avere lingvistencar, etnologencar hem profesorencar, a e mahalakere Romen te ikala kotar horo. A, o Roma tane glavno faktori ko Romanipe!

Svako dive uštava sabalje ko 6, igarava e čhaven ki škola hem palo odova đava ki buti. I buti bitinava ko sati 16 hem lava e čhaven ko 17. Meklje Romane aktivitetia hem Romane projektia finansirinava kokri. Niko nisave pare ja donacia maje na dela, me te čerav sa akava. Akava tano moklo čefi, a čerava sebepi meklje hem teklje čhave. Te na lađan kotar Romanipe hem te čeren čefi so šaj diso te takinen najencar, te dikhen jačhencar hem te osetinen vileja! Hem, sar so dikhena, akija internet strana tani ko Romane bizo alternativa ki dijekh aver čhib. Paljem konstatirinava, moklo fokus tane o Roma hem o Arli dialekti!

ĐI AKANA... AKAVA RESLJUM TE ČERAV

Đanava, nane but! Ama, valjani svako dive te ova čalje hem bahtale odoljeja so čerđam đi akana, odoljeja so momentalno isi amen hem te ovel amen jekh plani hem čefi sastipe poanglal te čera pana pobuter hem pošukar. Sa đi hijam saste hem veste, anglo amende svako dive neve ideje hem plania ka bijanđon.

1994 - 2002

OSNOVNO ŠKOLA

Moša Pijade - Kostolac

Ked hine man štar berš, več đanđum hine te pisinav hem čirilica hem latinica. O prva štar berš ki škola, hič miklji godi na đelji ko odova te mislinav so hijum aver čhane hem so me hijum Rom. Doduše sarine amen hijam hine čhavore hem na đanđam te dikha hine i razlika ko anav hem ki morti. Haljam, piljam, čhelđam hem sikljiljam hine sarine barabar. Več ko panđto berš, prvo puti osetinđum i razlika maškaro "amende hem oljende". Ki miklji generacia hine najhari 50 Romane čhavore ked počminđam hine o prvo berš ki škola. A, več ki panđto klasa ačhiljam samo 10 đene. Sose? Romano đivdipe! Na đanaja so anela amenđe i rat, a so o dive. Pana požalosno so samo panđ đene kotar miklji Romani generacia završinđam i osnovno škola. Nikeda ko akala 8 berš na osetinđum hine diskriminacia, a hem i škola đelji maje šukar. Ama, pana tegani dinđum hine motivacia meklje Romane amaljenđe. So god hine valjanđa te pomožini pe ki škola hem ko obično đivdipe, me pomožinđum. But čhaven ljejum hine mancar te trenirinen handbol, sebepi te probinen te bistren hari i mahala hem o bijava.

2002 - 2005

GIMNAZIA

Nikola Tesla - Kostolac

Kotar panđ đene so završinđam i osnovno škola, samo o Sameti hem me birinđam te nastavina te edukuina amen ki gimnazia. Tegani ki klasa alo hem jekh "gađikano Rom", o Boško N. Ni ov kokri na đanđa savo Rom tano. Da li Gurbeti, Kalderaši, Lovari... a kalo, ka phene erati alo kotar India. "Tu hijan najšukar ki amari klasa. Niko nane pošukar tutar. Plus đaneja Romane te vačere. Neka dikhen akala gađe, so hem amen hijam gođalje, đande hem šuže." Akala lafia so vačerđa maje o Boško, momentalno vazdinđa moklo Romano patriotizmi ko najučo nivo. Meklje jačha phravdilje hem sebepi o Boško haljiljum so mora pana pobuter pozitivna buča te čerav. Haljiljum so odola pozitivna buča reprezentirinena celo Romani nacia. Haljiljum so značini čače te ove Rom! Haljiljum savi sudbina đačeri man!

2005 - 2009

VIMINACIUM

Arheolog asistent - Kostolac

O purane Rimljania (Italiania) angljeder 2 000 berš hine oljen jekh diz - Viminacium. Othe tani avdije miklji diz. Diz kuri me bariljum - Kostolac. Ki Kostolca isi jekh arheološko than. A, me hine man baht odma pali gimnazia te arakhav buti hem baš ko odova arheološko than te ovav asistenti. But buča dikhljum hem sikljiljum othe. Akate šaj te dikhen pobuter sar dičhola o Viminacium.

UNGA ROMER

Sekretari ki organizacia

"O Rom ked azdini hem o Devel dičhola oljese tikno!" Akava citati ko odova periodi ikalđum. Lađavo baro so sa hine, ama me akava periodi ko kratko ka khuvav olje. Jekh (tagani) amal hem me khuvđam pakt te phrava jekh zoralji organizacia bizo profiti ko internacionalno nivo. Odova manuš đanđa šukare Švedski te vačeri hem odoljese olje birinđam te ovel presidenti, a me hijum hine o iniciatori. Apsolutno sa aver, sa me završinđum. Sa kotar e organizaciakoro stadgar/statuti... đi ko odova te sikavav olje soj odova Rom, dinđum oljese o đandipe kotar e Romengiri historia, kultura, čhib hem pana but, but aver buča. Sa hine šukare, đi na dobinđa lajkia ko Facebook, kontakti e bare političarencar, dikhibe kotar i media hem đi na reslje o pare. E tegani moklo amal azdinđa! Me više na valjanđum oljese, brišinđa manušen kasar so halja hine maro đi erati, počminđa te hovavi hem te čorel, hem te zaradini pare ki organizacia koja tani ustvari organizacia bizo profiti. Pharo hine maje, šudriljum sa hem naborsaljum.

Ama, o gudlo Devel paljem dikhlja mancar!

ARLI KUNSKAPSCENTER - ARLI EDUKATIVNO CENTAR

Presidenti ki organizacia

Arli edukativno centar tani jekh političko hem religiozno biphanlji Romani organizacia. Ko jekhto than i organizacia tani e Romenđe, ama hem isto mangela te pomožini e organizacien, e agencien hem sa averen so mangena te peraven i diskriminacia, a te vazden o multikulturna aktivitetia. E organizaciakoro primarno cilji tano te arakhi hem te barjačeri i Romani čhib pisibaja, specialno o Arli dialekti.

LINGVISTIKA

Studenti ko Umeå univerziteti

O baro haos hem o lađavipe ki Romani čhib, čhivđa man te počminav te studirinav lingvistika. O avdisutne lingvistia, etnologia, romologia, ekspertia... majoritet oljendar tane jabanđije. Nane Roma! Hem majoritet oljendar isi oljen ideologia te čerel pe jekh Romani standardizirimi čhib. Majoritet oljendar nane oljen kontakt e obično Romane narodoja. Majoritet oljendar na đana ki Romani mahala, ko kako hem ki jaba te pijen kafa. Majoritet oljendar na đanena koj tano o Bernati hem i Đefrina. Majoritet oljendar na haljilje so o Kalderaši, o Lovari, o Kale, o Arlija... na haljovena jekh jekhe! Hem ko krajo nijekh lingvist, etnolog, romolog, ekspert... na haljilo so o Kalderaši na vičini e Arlija ko bijav. A, sarine oljendar isi oljen korist (ekonomsko) hem odoljese tane othe, kaj tane. Đi akana završinđum morfologia ko Umeå univerziteti hem valjani te počminav fonologia hem sintaksa. Akava studiriba ka doljel man but berša, sebepi na đava redovno ko univerziteti, nego studirinava ki distanca hem ko tikno takti. I familia, i buti, o aktivizmi momentalno na dozvolinena maje te studirinav ko pobaro takti. Ama, okova soj glavno, počmijum hem isi man ko plani te završinav angljeder so ka pherav 50 berš.

SIKAVNO KI ROMANI ČHIB

Motala komuna, Linköping komuna

I familia počminđa te barjol hem me morandiljum te počminav paljem te čerav buti, ama o studiriba ko KOMVUX na mangljum hine te čhinavav. Odoljese hem čerđum buti, a hem studirinđum. O manuš ked mangela, sa šaj! Sar sikavno ki Romani čhib prvo počminđum hine te čerav buti ki Motala, a palo odova hem ki Linköping. Ki akija buti uživinava 100%, a hem 100% dava celo man. Odova značini so akija buti na dikhava ola samo sar jekh buti, nego hem sar te phene jekh vrsta spiritualno drumo. Drumo kova ka pomožini sarine amen hem o čhavore te ova šukar manuša, te vazda o Romano patriotizmi hem te na lađa kotar Romanipe. O Romanipe, i Romani kultura, i Romani tradicia hem i Romani čhib tane but važna kvalifikacie ko amaro CV hem ko amaro obično đivdipe. Me svako dive probinava te dav inspiracia hem motivacia e Romane čhavorenđe ki škola, te oven pozitivna manuša hem barvalje individe.

ČHAVORENGIRI BAH, MANUŠ hem ROMANO HANGO

Dizajner ko akala publikacie

Akala publikacie, hine tane magazinia hem literature e čhavorenđe ki škola. Moklo amal o Neđmedini hine autor, a me dinđum moklo pečati ko akala publikacie sar dizajner.

SFI hem KOMVUX

Svenljunga hem Mjölby

SFI (svenska för invandrare) tano obavezno čhibjakoro kurs e neve manušenđe so avena ki Švedska. Odova kurs završinđum jekhe divese. Ki Švedska ako mangeja diso te đane, mora te puče! O Šveđanja nikeda na dena tut kokri i informacia, bizo te puče. Odoljese, prekalo trin berš našalđum ko reprizno edukuibe. Ama, na hine badihava. Ko KOMVUX (škola manušenđe pobare kotar 20 berš) završinđum pana jekh drom i osnovno škola hem i gimnazia. Akana isi man duj diplome, hem kotar Srbia hem kotar Švedska.

MAGAZIN ROM

Autor hem glavno redaktori ko magazin

Akava projekti maje momentalno najpaše ko vilo. Kontaktirinđum hine fantastična manušen kola bizo problemi prihvatinđe akava izazov. Sarine biđidinđe akija idea hem sarine prihvatinđe te pisinen badihava. Ama, sa aver so valjanđa hine te platini pe, sar ko primer o materiali, o domeni,

o programia hem aver - sa me kokri platinđum.

2015 -

2011 -

2009 - 2013

2013 - 2014

2016 -

2015 -

2009 - 2013

Arli Centar
Magazin Rom
Paramiz
Sead Šerifi - Sejo

NOTIFIKACIA!!!

 

Majoritet kotar o projektia, o Sead Šerifi - Sejo kokri finansirinđa.

Akalje drumoja o Sejo mangela te zahvalini pe sa e familiače hem

e amaljenđe so pomožinđe hem so podržinđe, o ideje te oven čačipe.

I internet strana hine renovirimi paluno drom ko datum: Oktobar 2017

Copyright @ All Rights Reserved

Sead Šerifi - Sejo